देवगड (प्रतिनिधी)
कुणकेश्वर यात्रा कालावधीत चिरे वाहतूक बंद तहसीलदारांनी दिल्या व्यावसायिकांना सूचना
कुणकेश्वर यात्रा कालावधीत चिरेखाण व्यवसाय व चिरेवाहतूक बंद ठेवण्याबाबत तसहसीलदार रमेश पवार यांचेकडून देवगड तालुक्यातील चिरेखाण व्यवसायीक यांना सुचना देण्यात आली आहे.
कोकणची काशी म्हणून सर्व दुर ख्याती असलेल्या कुणकेश्वर महाशिवरात्री यात्रेला महाराष्ट्र राज्य व नजिकच्या राज्यातून अनेक भाविक भक्त येत असतात. श्रीदेव कुणकेश्वर यात्रा दि.२६ व २७ फेब्रुवारी २०२५ यादिवशी होणार आहे.
दुस-या दिवशी पहाटेपासून पवित्र स्नान सुरू होणार आहे.त्यामुळे २६ फेब्रुवारी ते २८ फेब्रुवारी या कालावधीत भाविकांना कुणकेश्वर यात्रेस्थळी येता जाता कोणतीही अडचण होवू नये व वाहतूक मार्गात अडचण येवू नये याची खबरदारी घेत तहसीलदार रमेश पवार यांनी आपल्या दालनात चिरेखाण व्यवसायिकांची बैठक घेवून 26 ते 28 फेब्रुवारी 2025 या कालावधीत तीन दिवस चिरेखाण व्यवसाय व चिरेवाहतूक बंद ठेवण्याबाबत सुचना दिली आहे. यावेळी देवगड मधील चिरेखाण व्यवसायीक, नायब तहसिदार विवेक शेठ,श्रीकृष्ण ठाकूर व संजय गांधी शाखेचे नायब तहसीलदार सुरेंद्र कांबळे उपस्थित होते.
