देवगडात‌‌ महाविकास आघाडीचे उमेदवार संदेश पारकर यांच्या प्रचारार्थ शिवसेना नेते आदित्य ठाकरे यांची तोफ धडाडणार – संदेश पारकर

कणकवली, दि. १६ नोव्हेंबर (प्रतिनिधी)

देवगडात‌‌ महाविकास आघाडीचे उमेदवार संदेश पारकर यांच्या प्रचारार्थ शिवसेना नेते आदित्य ठाकरे यांची तोफ धडाडणार – संदेश पारकर

कणकवली विधानसभा मतदार संघाचे महाविकास आघाडीचे ठाकरे शिवसेनेचे उमेदवार संदेश पारकर यांच्या प्रचारार्थ कणकवली-देवगड-वैभववाडी या तिन्ही ठिकाणी शिवसेना नेत्यांचा धडाका लागला आहे. कणकवलीत उद्धव ठाकरे, वैभववाडीत शिवसेना नेत्या सुषमा अंधारे यांच्या सभेनंतर १७ नोव्हेंबरला सायंकाळी ४ वाजता देवगड कॉलेज नाका येथे शिवसेना नेते आदित्य ठाकरे यांची जाहीर सभा होणार आहे. आदित्य ठाकरे काय बोलणार? याकडे सर्वांचे लक्ष लागुन राहीले आहे.

यावेळी संदेश पारकर म्हणाले, कणकवली विधानसभा मतदार संघात एक भगवे वादळ निर्माण झालेले आहे. त्यामुळे एक परिवर्तनाची लाट निर्माण होत आहे. जनतेच्या उत्स्फुर्त प्रतिसादामुळे ही निवडणुक आम्ही जिंकणार आहोत. गावागावात प्रचारासाठी गेल्यानंतर जनतेचा मोठा प्रतिसाद लाभत आहे. त्यामुळे देवगड येथे होणाऱ्या शिवसेना नेते आदित्य ठाकरे यांच्या सभेला महाविकास आघाडीच्या कार्यकर्त्यांनी मोठ्या संख्येने उपस्थित रहावे असे आवाहन संदेश पारकर यांनी केले आहे.