दुचाकी अपघातातील गंभीर असलेले तळेबाजार येथील पारकर यांचे उपचारादरम्यान मृत्यू

देवगड – प्रतिनिधी

दुचाकी अपघातातील गंभीर असलेले तळेबाजार येथील पारकर यांचे उपचारादरम्यान मृत्यू

दुचाकी अपघातात गंभीर जखमी झालेले तळेबाजार बाजारपेठ येथील आंबा बागायतदार भिकशेठ हरी पारकर (७६, मूळ रा. वरेरी) यांचे गोवा बांबुळी येथील रुग्णालयात उपचारादरम्यान शुक्रवारी रात्रीच्या सुमारास मृत्यू झाला .पार्थिवावर शनिवारी सकाळी वरेरी येथील स्मशानभूमीत अंत्यसंस्कार करण्यात आले.

उपलब्ध माहितीनुसार, शुक्रवारी दुपारी १२.३० वा. च्या सुमारास तळेबाजारहून देवगडच्या दिशेने दुचाकीने जात असताना टेंबवली भेकरटाकानजीक अचानक रस्त्यामध्ये आलेल्या बैलाला धडकून भिकशेठ पारकर (७६, मूळ रा. वरेरी) हे गंभीर जखमी झाले होते. त्यांना अधिक उपचारासाठी गोवा बांबुळी येथे नेण्यात आले. त्यांच्या डोक्याला गंभीर दुखापत झाली होती. मात्र, उपचारादरम्यान त्यांचा मृत्यू झाला. पश्चात मुलगा, मुलगी, सुना, जावई, नातवंडे असा परिवार आहे.