देवगड (स्वप्नील लोके)३० जुलै २०२४
जामसंडे येथील श्री दिर्बा- रामेश्वर मंदिरात ११ ऑगस्ट रोजी तालुकास्तरीय भजन स्पर्धेचे आयोजन
देवगड तालुका भजनी मंडळ संघ (रजि.) या संस्थेच्यावतीने जामसंडे येथील श्री दिर्बा- रामेश्वर मंदिरात ११ ऑगस्ट रोजी तालुकास्तरीय भजन स्पर्धेचे आयोजन करण्यात आले आहे. ही स्पर्धा कै. गणपत सोनू घाडी व कै. सदानंद पांडुरंग बांदकर (माजी अध्यक्ष) यांच्या स्मरणार्थ घेण्यात येत आहे.
स्पर्धेत सहभाग घेऊ इच्छीणाऱ्या भजनी मंडळांनी आपला संतरचित अभंग गायनाचा कमीत कमी ३ मिनिटांचा व जास्तीत जास्त पाच मिनिटांचा ऑडिओ करून तो ४ ऑगस्टपर्यंत आयोजकांकडे पाठवावा. त्यातून दहा मंडळांची अंतिम निवड स्पर्धेसाठी करण्यात येईल. ऑडिओच्या सुरुवातीला बुवाचे नाव, गावाचे नाव, भजन मंडळाचे नाव व संपर्क क्रमांक यांचा स्पष्ट उल्लेख असावा. सादरीकरणाची वेळ, बक्षिसे, नियम व अटी ही स्पर्धक संघांच्या निवडीनंतर घोषित करण्यात येतील.
अधिक माहिती व नाव नोंदणीसाठी
गुणाजी कोयंडे (९४२३८३३५४८),
आनंद धुवाळी (९४२३३०५५३५),
श्रीकृष्ण रानडे (९४२११४६११८)
यांच्याशी संपर्क साधावा, असे आवाहन करण्यात आले आहे.