देवगड तालुक्यात शासनाच्या मार्गदर्शनाप्रमाणे राष्ट्रीय शिक्षण धोरण २०२० च्या ४ थ्या वर्धापनदिनानिमित्त दिनांक २२ जुलै ते २८ जुलै या कालावधीत शिक्षण सप्ताह राबवणार असल्याची माहिती गटशिक्षण अधिकारी देवगड श्रीरंग काळे यांनी दिली . या सप्ताहात सोमवारी २२ जुलै अध्यापन साहित्य दिवस , २३ जुलै मुलभूत संख्याज्ञान व साक्षरता दिवस २४ जुलै क्रिडा दिवस , २५ जुलै सांस्कृतिक दिवस , २६ जुलै कौशल्य व डिजिटल उपक्रम दिवस , २७ जुलै शालेय पोषण , २८ जुलै समुदाय समुह दिवस राबविण्यात येणार आहेत .याबाबतचे नियोजण करण्यात आले आहे . हा शिक्षण सप्ताह विदयार्थी , शिक्षक , धोरणकर्ते , भागधारक यांच्यामध्ये सहकार्य वाढवणारा ठरणार असुन यात देवगड तालुक्यातील सर्व शाळांमधून शिक्षण सप्ताहाची अंमलबजावणी व्हावी असे आवाहन गटशिक्षण अधिकारी देवगड श्रीरंग काळे यांनी केले आहे .
