कणकवली मतदारसंघात आमदार नितेश राणेंची हॅट्रिक ; पुन्हा एकदा राणेपर्व ; आमदार नितेश ५८ हजार मताधिक्याने विजयी; भाजप कार्यकर्त्यांनी विजयाचा गुलाल उधळला…

कणकवली मतदारसंघात आमदार नितेश राणेंची हॅट्रिक ; पुन्हा एकदा राणेपर्व ; आमदार नितेश ५८ हजार मताधिक्याने विजयी; भाजप कार्यकर्त्यांनी विजयाचा गुलाल उधळला…

कणकवली दि.२३ नोव्हेंबर (प्रतिनिधी)

कणकवली मतदारसंघात सलग तिसऱ्यांना प्रचंड मताधिक्याने विजयी होऊन आमदार नितेश राणे यांनी “हॅट्रिक” साधली आहे. उबाठाचे प्रतिस्पर्धी उमेदवार संदेश पारकर यांचा त्यांनी ५८ हजारापेक्षा अधिक मताधिक्याने पराभव केला आहे. राणे यांच्या विजयानंतर भाजप कार्यकर्त्यांनी गुलाल उधळून जल्लोष सुरू ठेवला आहे. कणकवली शहर तसेच तालुक्यात ठिकठिकाणी फटाक्यांची आतषबाजी केली.

कणकवली मतदारसंघात उबाठाचे संदेश पारकर हे चांगली लढत देतील अशी अपेक्षा होती. परंतु सर्वच बुथवर मताधिक्य घेऊन नितेश राणे यांनी आपल्या विजयाची पताका बुलंद केली आहे. मतमोजणीच्या पहिल्या फेरीपासूनच आमदार नितेश राणे आघाडीवर राहिले. शेवटच्या बुथ पर्यंत तसेच टपाली मतदानामध्येही श्री. राणे आघाडीवर राहिले आहेत.

चार महिन्यापूर्वी झालेल्या लोकसभा निवडणुकीत कणकवली विधानसभा मतदारसंघातून माजी केंद्रीय मंत्री नारायण राणे यांना ४२ हजाराचे मताधिक्य मिळाले होते.

तर आमदार नितेश राणे यांनी २४ व्या फेरी अखेरपर्यंत ५८ हजार एवढे मताधिक्य घेतले .मतमोजणीच्या नवव्या फेरीनंतर आमदार नितेश राणे ओमगणेश बंगल्याबाहेर पडले. त्यानंतर भाजप कार्यालयासमोर भाजप आणि महायुतीच्या कार्यकर्त्यांनी प्रचंड जल्लोष केला. कणकवली शहरासह सर्व मतदारसंघात फटाक्यांची आतषबाजी करून कार्यकर्त्यांनी जल्लोष साजरा केला.तर संदेश पारकर यांचा पराभव झाल्यानंतर महाविकास आघाडीच्या कार्यकर्त्यांमध्ये सन्नाटा पसरला होता.पराभवामुळे कार्यकर्ते निराश झाले. महायुती चे उमेदवार आमदार नितेश राणे वगळता मतदान मोजणी कक्षात अन्य उमेदवार फिरकलेच नाही.महायुतीचे उमेदवार नितेश राणे विजयी झाल्यानंतर कणकवली शहरात भव्य मिरवणूक काढण्यात आली. कार्यकर्त्यांनी डिजेच्या तालावर ठेका धरत गुलाल उधळून आनंद साजरा केला.