तिर्लोट आंबेरी येथील श्रीशा भाबल आत्महत्या प्रकरणी पती, व सासू सासरे यांना पंधरा दिवसाची न्यायालयीन कोठडी 

देवगड (प्रतिनिधी)

तिर्लोट आंबेरी येथील श्रीशा भाबल आत्महत्या प्रकरणी पती, व सासू सासरे यांना पंधरा दिवसाची न्यायालयीन कोठडी 

तिर्लोट- आंबेरी येथील शिरीषा उर्फ श्रीशा सुरज भाबल (२४) हिला तिच्या लहान मुलांसमवेत आत्महत्येस प्रवृत्त केल्याप्रकरणी तिचा पती सुरज सुहास भाबल (३७), सासरे सुहास शिवराम भाबल (७७), सासू सुहासिनी सुहास भाबल (६५, सर्व रा. तिर्लोट आंबेरी) या संशयितांना देवगड न्यायालयाने पंधरा दिवसांची न्यायालयीन कोठडी सुनावली आहे. संशयितांच्यावतीने ॲड. कौस्तुभ मराठे यांनी काम पाहिले.

श्रीशा भाबल (२४) हिला तिचे पती सुरज, सासरे सुहास, सासू सुहासिनी, नणंद सौ. पूजा सदाशिव जोगल (३०, रा. मिठबाव, पूर्वाश्रमीची पूजा भाबल) हे संशयित शिवीगाळ करून मानसिक व शारिरीक त्रास देत होते. त्यांच्या त्रासाला कंटाळून श्रीशाला जगणे असह्य झाल्याने तिने १५ एप्रिल २०२५ रोजी सायंकाळी ५.४५ वा. ते १६ एप्रिल २०२५ रोजी सायंकाळी ६ वा. च्या मुदतीत आपले मुलगे श्रेयश (वय ५) व दुर्गेश (वय ४) यांना सोबत घेऊन तिर्लोट आंबेरी पूलावरून खाडीच्या पाण्यात उडी घेऊन आत्महत्या केली होती. याबाबतची फिर्याद थ नीशाची आई श्रीमती चंद्रकला लोकेश कुमार (३८, सध्या रा. अंबरनाथ (प.) ठाणे, मूळ रा. रायचूर कर्नाटक) यांनी विजयदुर्ग पोलिसांत दिली होती. या फिर्यादीनुसार सर्व संशयितांविरुद्ध गुन्हा दाखल करून यातील श्रीशाचा पती सुरज, सासरे सुहास, सासू सुहासिनी या संशयितांना अटक करण्यात आली होती. देवगड न्यायालयाने तीनही संशयितांना दोन दिवसांची पोलीस कोठडी सुनावली होती. सोमवारी पोलीस कोठडीची मुदत संपल्याने संशयितांना पुन्हा देवगड न्यायालयासमोर हजर करण्यात आले. न्यायालयाने संशयितांना १५ दिवसांची न्यायालयीन कोठडी सुनावली आहे.