मालवण (संदीप बोडवे)
मालवणातील आरोग्य तपासणी शिबिरात ५६० जणांची तपासणी
जागतिक महिला दिन व स्वराज्य ढोल-ताशा पथक वर्धापन दिनानिमित्त शिल्पा खोत मित्रमंडळ, स्वराज्य संघटना, सिंधु रक्तमित्र प्रतिष्ठान, मातृत्व आधार फाऊंडेशन, वाईल्ड लाईफ रेस्क्यूअर, सिंधुदुर्ग व एस एस पी एम पडवे हॉस्पिटल यांच्या संयुक्त विद्यमाने मालवण येथील मामा वरेरकर नाट्यगृहात मोफत आरोग्य तपासणी शिबीर आयोजित करण्यात आले. शेकडोंच्या संख्येने नागरिकांनी यां शिबिराचा लाभ घेतला. ५६० नागरिकांची आरोग्य तपासणी करण्यात आली. तसेच यावेळी आयोजित रक्तदान शिबिरातही अनेक रक्तदात्यानी रक्तदान केले. शिबिराचे उदघाट्न मालवणच्या तहसीलदार वर्षा झालटे व जिल्हा क्रीडा अधिकारी विद्या शिरस यांच्या हस्ते दिपप्रज्वलन व शिवप्रतिमेस पुष्पहर अर्पण करून झाले.
यावेळी सिंधू रक्तमित्र प्रतिष्ठानच्या अध्यक्ष, वाइल्ड रेस्क्यूअर सिंधुदुर्गच्या सल्लागार शिल्पा खोत, मातृत्व आधार फाउंडेशनचे संस्थापक संतोष लुडबे, दादा वेंगुर्लेकर, लायन्स क्लब मालवणचे अध्यक्ष बाळू अंधारी, क्रीडा अधिकारी शितल शिंदे, क्रीडामागदर्शक माधुरी घराळ आदी व इतर मान्यवर उपस्थित होते. यावेळी आयोजित आरोग्य तपासणी शिबिरात हृदयरोग तपासणी, युरोलॉजी तपासणी, जनरल सर्जरी, कर्करोग तपासणी, प्रसुतीशास्त्र, स्त्रीरोग तपासणी, नेत्र तपासणी, अस्थिरोग तपासणी, नेफ्रोलॉजी तपासणी, दंतरोग चिकित्सा करण्यात आली. ५६० जणांची तपासणी करण्यात आली. काही रुग्णांना मोफत औषधे देण्यात आली. यामध्ये मोतीबिंदूच्या ५० रुग्णांचे निदान झाले असून त्यांच्यावर शासकीय योजनेतून शस्त्रक्रिया करण्यात येणार आहे.