क्रांतिज्योती सावित्रीबाई फुले यांची जयंती ३ जानेवारीला जामसंडे येथील श्रीराम मोरेश्वर गोगटे प्रशालेत अभिनव पद्धतीने साजरी

देवगड (प्रतिनिधी)

क्रांतिज्योती सावित्रीबाई फुले यांची जयंती ३ जानेवारीला जामसंडे येथील श्रीराम मोरेश्वर गोगटे प्रशालेत अभिनव पद्धतीने साजरी

स्त्री शिक्षणाचा पाया रचणाऱ्या भारतातील पहिल्या महिला शिक्षिका क्रांतिज्योती सावित्रीबाई फुले यांची जयंती ३ जानेवारीला जामसंडे येथील श्रीराम मोरेश्वर गोगटे प्रशालेत अभिनव पद्धतीने साजरी करण्यात आली. गोगटे प्रशालेची विद्यार्थीनी कुमारी – तन्वी अक्षिमणी साक्षात सावित्रीबाई फुले यांच्या गणवेशात अवतरताच प्रशालेच्या गेटवर मुख्याध्यापक श्री.सुनील जाधव, सांस्कृतिक समितीच्या सचिव सौ.प्रज्ञा कांबळी , सौ.समीरा राऊत , सौ.मानसी मुणगेकर ,सौ.ज्योती गोखले व प्रशालेच्या विद्यार्थीनीनी सावित्रीबाईंवर पुष्पपाकळ्यांचा वर्षाव करत नलावडे सभागृहात अगदी सन्मानपूर्वक स्वागत करण्यात आले.

मुलीला शिकू द्या ,माणूस म्हणून जगू द्या, मोळी विक , पण शाळा शिक , मुलींचे शिक्षण ,प्रगतीचे लक्षण, आपल्या मुली शिकल्या छान होईल आपल्या देशाचे कल्याण ,मुलगी झाली म्हणून डोळ्यात,आणू नका पाणी शिक्षण देऊन बनवू ,तिला झाशीची राणी ,
आईबाबा मला शिकू द्या ,घाई नको लग्नाची मी शिकेन – कुटुंबाला शिकवेन मुलगी मी जिद्दीची…..अशा विद्यार्थिनीच्या घोषवाक्यांनी सारा परिसर दुमदुमून गेला .

कार्यक्रमाचे औचित्त साधून नलावडे सभागृहात अभिवादन सभेचे आयोजन करण्यात आले होते.याप्रसंगी विचारमंचावर मुख्याध्यापक श्री.सुनील जाधव , सौ.प्रज्ञा चव्हाण , सावित्रीबाई फुले व्यक्तिरेखा साकारणारी कुमारी-तन्वी अक्षिमणी आदी मान्यवर उपस्थित होते.कुमारी-काजल पडेलकर , कुमारी-आकांशा वडार , कुमारी -कनिष्का तर्फे यांनी सावित्रीबाई फुले यांच्या जीवन चरित्रावर प्रकाश टाकला.मुख्याध्यापक श्री.सुनील जाधव यांनी “ सावित्री”या नावाची कविता सादर करून मुलींमध्ये नवचैतन्य जागृत केले. कार्यक्रमाचे प्रास्ताविक, स्वागत , सूत्रसंचालन व आभार सौ.प्रज्ञा चव्हाण यांनी केले.