कुमामे येथील राजेंद्र जयवंत घाडीगावकर यांना आमदार वैभव नाईक यांनी दिला आर्थिक मदतीचा हात
कणकवली ( प्रतिनिधी)
कुमामे येथील राजेंद्र जयवंत घाडीगावकर यांच्या घरासमोरील गणपती शाळेसाठी बांधण्यात आलेली पत्राशेड मुसळधार पावसामुळे कोसळल्याने त्यांचे मोठे आर्थिक नुकसान झाले. तसेच शेड मध्ये असलेल्या गणेश मूर्तींचे देखील नुकसान झाले होते. ऐन गणपती उत्सव जवळ आल्याने हि घटना घडल्याने घाडीगावकर यांच्यावर मोठे संकट निर्माण झाले होते. हि बाब आमदार वैभव नाईक यांच्या निदर्शनास येताच तात्काळ त्यांनी आर्थिक मदतीचा हात देत घाडीगावकर कुटुंबीयांना धीर दिला. वैभव नाईक हे नेहमी सर्वसामान्य माणसांच्या पाठीशी खंबीरपणे उभे असतात. सर्वसामान्य जनतेचा सेवक म्हणून ते आपले कर्तव्य जबाबदारीने पार पाडत असतात. सतत लोकांशी संपर्क साधत मतदार संघात सर्वसामान्य लोकांना मदत करत असतात. घाडीगावकर यांचे झालेले नुकसान लक्षात घेऊन आमदार वैभव नाईक यांनी त्यांना तात्काळ आर्थिक मदत केल्याबदल घाडीगावकर यांनी त्यांचे मनापासून आभार मानले.